Auviatge refuse es alternatiues de Foment entara N-230

22/04/2018

Ena darrèra Comission d’Auviatge deth Conselh Generau d’Aran, se tractèren diuèrsi ahèrs relacionadi damb es bens naturaus e culturaus deth parçan. D’entre toti eri, eth mès destacat siguec era valoracion der estudi informatiu de Foment ath projècte de condicionament dera N-230 entre Sopeira e era termièra damb França.

A demana dera Direccion de Patrimoni dera Generalitat, aguesta comission a elaborat un informe que refuse es quate propòstes der estat.

Se parlèc tanben sus es modificacions ath projècte de restauracion deth Castèth de Pijoèrt de Les e se presentèc er avant-projècte de restauracion e accessibilitat deth campanau dera Glèisa de Sant Andreu de Salardú.

D’auti ahèrs des quaus se parlèren sigueren era possibilitat de bastiment d’ua bassa d’aigua entà nhèu artificiau en Beret o era aprobacion iniciau deth Plan d’Ordenacion Urbanistica Municipau d’Arres, entre quauqui d’autes.

Clara Villar