Dempús de set ans de trebalh conjunt entre eth Conselh Generau d’Aran e es ajuntaments aranesi, dejà s’a aprovat, per unanimitat, era modificacion des Nòrmes Subsidiàries de Planejament relatives ara regulacion dera preservacion e recuperacion des bòrdes e cabanes en solèr non urbanizable, entà adaptar-les as determinacions deth vigent Plan Director Urbanistic dera Val d'Aran.

Aguestes nòrmes proïbissen er us residenciau d’aguesti bastiments, enes quaus sonque se poderàn realizar activitats agropecuaries e ludico-familhars.

Era naua legislacion regirà sus es bòrdes e cabanes anteriors ar an 1969 en cas de Naut Aran, e 1982 ena rèsta deth territòri.

Es bastiments de naua planta entren laguens de ua auta problematica e, per tant, non poderàn èster regularizadi per aguesta adaptacion des nòrmes subsidiaries.

Un còp aprovada provisionaument aguesta modificacion, sonque manque  demorar ara sua aprobacion definitiua, qu’a d’ester votada ena pròplèu Comission d’Urbanisme dera Val d’Aran.