Amassada dera Deputacion damb eth Sindic e es bailes d'Aran

15/09/2018

Entà mantier ua dinamica d’equip entre era Deputacion de Lhèida e es municipis aranesi, eth President d’aguesta institucion, Joan Reñé, e eth sòn equip s’amassèren damb eth Sindic d’Aran, Carlos Barrera, es conselhèrs deth govèrn aranés e es bailes e presidents des EMD ena sedença deth Conselh Generau d’Aran.

Ua amassada qu’auie coma principau objectiu escotar es demanes deth nòste territòri de prumèra man.

Laguens dera collaboracion damb era Deputacion, cau destacar tot çò relacionat damb er ambit dera sanitat- en quau an trabalhat amassa ena campanha còntra eth càncer de colon o s’a collaborat en aquesiment des naui locaus d’administracion-, eth des infraestructures- coma ei eth cas dera dusau fasa deth projècte de milhora dera carretèra de Vilamòs, qu’ei prevista tà 2019-, atau coma eth des servicis- airau en quau un des principaus propòsits de Lhèida ei era extension dera fibra optica a toti es municipis, un projècte fòrça important entath nòste país-.

En projècte de milhora der accés ar entorn naturau dera Val d’Aran, eth Conselh compdarà tanben damb era collaboracion dera Deputacion.

Damb aguesta amassada quedèc clara era estreta relacion que manten eth govèrn provinciau damb es municipis aranesi, atau coma damb eth Conselh.

Ua collaboracion ena quau contunhen trebalhant entà milhorar era auferta de servicis entath ciutadan.

Clara Villar