Eth Departament de Trabalh e Ahèrs Sociaus dera Generalitat e eth Conselh Generau an signat un acòrd entà prebotjar un nau Servici d’Atencion Integrau tà deféner es drets des persones LGTBI. Un nau pas endauant entara luta pera igualtat ena societat.

Uns drets umans que s’ajudaràn a garantir gràcies ad aguest nau acòrd. Es servicis que s’aufriran facilitaràn atencion de qualitat a persones que patisquen, agen patit o siguen en risc de patir discriminacion o violéncia per orientacion sexuau, identitat de genre o expression de genre.

Ath delà, eth SAI dera Val d’Aran impulsarà eth trabalh en hilat en tot elaborar informes sus era situacion locau des persones LGTBI.

Tanplan, dessenharà estrategies de sensibilizacion, e establirà canaus d’atencion, supòrt e acompanhament as victimes.