Vielha e Mijaran apròve es pressupòsti entà 2019

21/11/2018

Er Ajuntament de Vielha e Mijaran dejà a aprovat es sòns pressupòsti entà 2019 en que serà eth darrèr plen ordinari der an. Mès de 5.700.000 euròs que supausen un increment deth 0.67% damb relacion ar an anterior.

Un pressupòst aprovat gràcies ara abstencion dera oposicion, qu’a estat critica damb eth govèrn municipau.

Eth principau ahèr de preocupacion ei era pista de gèu deth Palai, barrada des deth passat mes de mai e ara demora d’èster substituïda. Problematica ena quau, assegure er ajuntament, s’està trebalhant damb intensitat.

Un aute punt qu’a estat criticat des dera oposicion a estat era manca d’inversions previstes en aguesti pressupòsti, qu’era equipa de govèrn assegure que vieràn, coma tostemp, damb es pròplèus modificacions de crèdit.

Ara, cau demorar entà saber coma auance era problematica dera pista de gèu de Vielha e entà conéisher quines seràn es inversions municipaus.

Clara Villar