Un an sense es Jordis: concentracion en Aran

18/10/2018

Coma cada 16 de cada mes pendent es darrèri 12 mesi, quauques desenes de persones dera Val d’Aran s’amassèren entà demanar libertat tàs presoèrs politics. Aguest 16 d’octubre se complien exactament 365 dies der empresonament deth president d’Òmnium Cultural, Jordi Cuixart, e er expresident dera ANC, Jordi Sànchez.

En acte, a on s'arrebrembèc qu’Amnistia Internacionau a tornat a demanar era libertat d’aguesti presoèrs, se liegec un manifèst damb paraules fòrça dures entara justícia der estat espanhòu e eth sòn foncionament. E s'arrebrembèc  era importància de contunhar lutant per aguesta causa.

Aguesta concentracion finalizèc en tot cantar es himnes catalan e aranés e en tot demanar libertat entad aguesti dus represenants que dejà an passat un an dera sua vida en preson.

Clara Villar