Un des punts deth darrèr Conselh de Bailes siguec eth debat sus era remassada de voluminosi ena Val d’Aran. En aguest sens, er abandon d’aguesti grani residus ena zòna des depòsits està perjudicant seriosaments ara imatge des pòbles dera Val d’Aran. E non sonque aquerò, senon qu’es despenes dera Administracion se i trapen tanben afectades.

Atau, eth Conselh aprovèc per unanimitat era installacion de camères de vidèovigilància enes isles de contienedors entà frenar er incivisme. Ath delà, tanben s’ indicarà eth regim sancionador entàs infractors que non complisquen damb era normatiua.

Ues mesures que sajaràn d’establir un modèu de remassada de voluminosi mès responsable e que fomente eth civisime e era sostenibilitat en territòri. Ath delà se vò arrebrembar qu’es particulars an un servici gratuït de gestion de residus tostemp que non se supèren es 500 kg de materiau ath mes.