Eth Conselh Generau d’Aran realize trabalhs de neteja en camins forestaus

02/07/2018

Era enterpresa Servicis Ambientaus dera Val d’Aran (SAVA SL) realize aguesti dies es darrèri trabalhs de neteja de camins forestaus entà apariar es afectacions produsides ath long der iuèrn, e condicionar es accèssi tant de vesins coma de visitants as espacis naturaus pendent era sason d'estiu.

Es intervencions realizades damb retroexcavadores e era extraccion de materiau acumulat coma branques d'arbes e pèires, se hèn en camins de tota era Val d’Aran, connexions e accèssi entre pòbles e rotes toristiques, camins vesiaus, pistes forestaus e era neteja dera vegetacion enes airaus recreatius.

Aguesti trabalhs de neteja se mantieràn pendent tota era sason d'estiu entà garantir er accès as espacis naturaus mès emblematics dera Val d’Aran.


IMATGE: CONSELH GENERAU D'ARAN
Laura Rodríguez