Eth Conselh de Bailes da supòrt ara candidatura des Jòcs Olimpics d'Iuèrn Pirinèus-Barcelona

03/10/2018

Era darrèra session ordinària deth Conselh de Bailes a agut coma tematica centrau era aprobacion deth supòrt ara candidatura des jòcs olimpics d’Iuèrn Pirinèus-Barcelona 2026-2030. Aguest supòrt a estat frut d’ua votacion ena que toti es present s’i an manifestat a favor.

Aguesta aprobacion arribe dempús de qu’eth consultor deth Comité Olimpic Internacionau, Gilbert Felli, visitèsse era Val d’Aran pendent aguest ostiu passat.

Ues modalitats veteranes ena estacion aranesa de Baqueira/Beret que des deth Conselh Generau d’Aran se sajarà de méter en valor enes pròplèus contactes damb eth Comité Olimpic Internacionau.

Un manifèst unanim qu’arribarà ath Comitè Olimpic Internacionau, ara Secretaria Generau der Espòrt e ara Federacion Espanhòla d’Espòrts d’Iuèrn.

A mès d’aguest punt, en Conselh de Bailes tanben s’a amiat a tèrme era presentacion deth projècte Des Tic en Institut d’Aran o eth debat sus eth sistèma de remassada de voluminosi.

Laura Rodríguez