Dubèrtes es inscripcions entàs colònies dera AECC

06/03/2019

Era Associacion Espanhòla Contra eth Càncer dejà a dubèrt es inscripcions entara 20au edicion des sues colònies entà mainatges e mainades d’entre 7 e 15 ans qu’an patit ua malautia oncologica.

Enguan, aguestes colònies se celebraràn pendent es dies 14 e 21 de junhsèga e era data limit entà apuntar-se ei eth 14 de mai

Era Val d’Aran pòrte dejà fòrça ans acuelhent a joeni de tot er estat que gaudissen pendent uns dies deth nòste territòri e de tot tipe d’activitats coma jòcs, talhèrs, teatre, excursions o espòrts d’aventura coma eth ràfting, tot organizat per ua equipa de trebalh que pòrte ans premanint aguestes colònies tan especiaus.

Damb aguestes colònies, era Associacion Espanhòla Contra eth Càncer cerque normalizar era situacion d’aguesti mainatges e mainades realizant activitats d’òci, que poguen conéisher a d’auti joeni ena madeisha situacion dehòra der airau espitalari e que poguen compartir experiéncies e viuences relacionades damb era malautia, dificiles de compartir damb autes persones.

 

Clara Villar