Er Ajuntament de Bossòst a apostat de forma contundenta pera reactivacion economica e sociau deth municipi. 

E ac a hèt en darrer Plen en tot aprovar per unanimitat ua modificacion pressupostària de 280.000 èuros, qu’ei eth 30% deth totau des sòns recorsi, tà invertir en diuèrsi servicis municipaus.

Laguens d’aguest conjunt d’accions tanben s’a prevista era adeqüacion deth cementèri municipau.

Ath delà, eth consistòri aportarà mès de 18.000 èuros entà assolidar e restaurar eth campanau dera glèisa romanica de Santa María dera Purificacion.

Per un aute costat, unanimitat tanben en Plen tà hèr efectiva era supression dera taxa d'aucupacion dera via publica des terrasses de bars e restaurants entad aguest 2020. Ua mesura que s‘ahig ara tanben anullada taxa de dubertura d'establiments entath pròplèu 2021.