Tòn Cònsul e Isabella Gámez guanhen eth programa cuert ena Mentor Torun Cup

02/02/2018

Aguest dissabte 3 de hereuèr disputaràn eth programa liure en tot cercar completar ua grana competicion

Tòn Cónsul contunhe en tot aufrir grani resultats en patinatge artistic. Damb era sua parelha artistica, Isabella Gamez, a obtengut era victòria en programa cuert dera categoria Júnior ena Mentor Torun Cup celebrada en Polònia. Cónsul e Gamez an artenhut 48,55 punts, en tot èster seguidi pera parelha nòrd-americana Nadine Wang e Spencer Howe (44,96 punts) e era parelha d'Ucraïna, Sofia Nesterova e Artem Darenskyi (40,74 punts).

Aguest dissabte 3 de hereuèr, Cónsul e Gamez, participaràn en programa liure en tot cercar finalizar aguesta dimenjada damb un nau exit esportiu.
Manu Moga