Tòn Cónsul e Isabella Gámez finalizen ena 13au posicion en Campionat deth Mon Júnior de Patinatge

09/03/2018

En programa cuert artenheren era 12au posicion e en programa liure, ena 14au posicion

Eth joen patinador aranés, Tòn Cónsul, e era sua parelha artistica, era nòrd-americana Isabella Gámez an artenhut ua meritada 13au posicion en Campionat deth Mon Júnior de patinatge arttstic que s’a celebrat en Sofia (Bulgària) pendent aguesta setmana. Era parelha artenhec un totau de 121 punts ena puntuacion combinada entre eth programa cuert e eth programa liure.

Ena prumèra jornada de competicion, obtengueren un totau de 45,04 punts en programa cuèrt, en tot finalizar ena 12au posicion provisionau. En 2au e darrèr dia de competicion entà da eri, Tòn e Isabella artenheren un totau de 75,96 punts, en tot acabar ena 14au posicion deth programa liure.

Maugrat non auer podut finalizar en TOP 10 deth campionat deth mon juior per parelhes, s’a de restacar aguesta 13au posicion finau, pr’amor que tot just hè pòqui mesi qu’ambdús patinadors entrenen e competissen amassa. Ath delà, Tòn patic ua lesion d’esquia eth passat ostiu, que li dificultèc es entrenaments. Per tant, de ben segur que Tòn e Isabella auràn prenut bona nòta d’aguest resultat en Bulgària, e sajaràn de milhorar de cara as següentes competicions.

Manu Moga