Marta Cester e Sadurní Betriu, es guanhadors dera 40aua Marxa Beret

04/02/2019

900 esportistes an participat ena darrèra edicion dera Marxa Beret, maugrat qu'es condicions meteorologiques non an acompanhat bric: temperatures jos zèro e vents gèlids qu'an hèt d'aguesta Marcha Beret ua des mès exigentes a nivèu fisic.

Son tres es recorreguts qu'a aufrit aguesta corsa: 10, 21 e 42 quilomètres. Era aranesa Marta Cester a ratificat era victòria ena categoria femenina dera corsa reina, era des 42 quilomètres.

Pera sua part, tanben a ratificat era victòria ena categoria masculina Sadurní Betriu, hondista d’Organyà

Mès bones noticies entara Val d’Aran, ja qu’es fraies araneses María e Lydia Iglesias artenheren er aur e era plata, respectivaments, ena corsa des 21 quilomètres.

Ena distància de 10 quilomètres, Marta Moreno, tanben dera Val d’Aran, se pugèc ar esglaon mès naut.

Destaquèc era grana participacion des hondistes provenenti de toti es cornèrs der Estat.

Ath delà, era preséncia estrangèra ena Marxa Beret, damb un percentatge que virarie en torn ath 10% deth totau des participaires, confirme era consolidacion d'aguesta corsa de hons en scenari internacionau.

Ua hèsta der der espòrt que cada viatge amasse mès hondistes d'elèit e que dejà a complit es 40 ans.

Laura Rodríguez