Inici dera Hèsta Major de Canejan

30/08/2019

Dempús d’un an en tot demorar, dejà s'a dat eth trèt de gessuda as hèstes majors de Canejan, dedicades a Sant Joan d'Agost.

Ua missa ena glèisa de Sant Sernilh e un aperitiu aufrit per Ajuntament de Canejan an hèt a cauhar es motors a toti es assistents.

Entre es activitats organizades per aguesti dies s'i trapen un campionat de trial, jòcs infantils, o eth tradicionau tir ath plat. Tanpòc manque eth balh damb orquèstra pes nets en aguesta programacion tà toti es publics. 

Ath delà, en aguestes de Canejan se compde damb era assisténcia de visitants que tanpòc vòlen perder-se era magia dera hèsta grana.

Era hèsta major de Canejan s'alongarà enquiath dimenge 1 de seteme.
Laura Rodríguez