Eth Plen de Vielha e Mijaran da lum verda ar inici des òbres d’emergéncia en un tram dera carretèra de Mont e Montcorbau

30/10/2019

Eth Plen der Ajuntament de Vielha e Mijaran a aprovat en session extraordinària e per unanimitat, era quatau modificacion de credit deth pressupòst. Eth motiu, poder iniciar ua accion de reforma d'un tram d'uns quaranta mètres dera carretèra municipau des localitats araneses de Mont e Montcorbau.

Era intervencion a estat catalogada d'urgenta dempús qu'era Deputacion de Lhèida elaborèsse un informe a on s'i estipulaue que i a un gran perilh que se pogue produsir bèth esbaussament en aguest tram dera via.

Ena execucion d'aguesta òbra, ena que s’invertiràn 110.000 èuros, i collaborarà autant era Deputacion de Lhèida coma eth Conselh Generau d'Aran

Atau, se haràn accions de melhora ena estructura deth mur, qu'actuauments presente ues condicions de seguretat insufisentes, damb henerècles que son visibles des dera madeisha via.

Tanplan se demore qu'es òbres de reforma d'aguest tram dera carretèra comencen eth deluns 4 de noveme, en tot alongar-se uns 15 dies.

Laura Rodríguez