Espòrts
Eth CETEI contunhe en tot formar 34 joenes promeses des espòrts d'iuèrn
07/02/2018
Eth Centre de Tecnificacion d’Espòrts d’Iuèrn dera Val d’Aran (CETEI) desvolòpe damb succès era activitat esportiuapendent ua sason mès gràcies ath supòrt deth Conselh, era Deputacion de Lhèida, Baqueira Beret e eth Conselh Superior d'Espòrts (CSD).
Es programes formatius d’esportistes de Pre-Tecnificacion ena Val d’Aran compden actuauments damb 21 esquiadors ena categoria d'esquí aupin, 5 esportistes ena d'snowboard, 5 ena de freeride e 3 ena disciplina emergent de freestyle.
Eth CETEI ei restacat ara Reiau Federacion Espanhòla d’Espòrts d’Iuèrn (RFEDI) e ara Federacion Catalana d’Espòrts d’Iuèrn (FCEH), e a coma principau objectiu ajudar ena progression de joenes promeses e velhar pera sua formacion integrau mejançant ua formacion tecnica/esportiua e academica, ath delà d’un seguiment medicau/psicologic entà garantir un estat de salut adaptat entara practica esportiua e ua gessuda professionau de futur.
Eth Vicesindic d’Aran e Conselhèr d’Espòrts deth Conselh, Luís Carlos Medina, a manifestat que “eth supòrt dera Deputacion de Lhèida, amassa damb eth dera rèsta d’institucions, arrespon as esfòrci que hè eth Conselh Generau d’Aran pes programes de Tecnificacion e Pre-Tecnificacion deth CETEI Val d’Aran, e represente un impuls entà que es joeni esportistes poguen alimentar es prumères equipes des diferentes modalitats esportiues e arribar a hèr concurrencia, coma en d’auti viatges, en uns Jòcs Olimpics e Paralimpics d’iuèrn”.
IMATGE: CONSELH GENERAU D'ARAN
Es programes formatius d’esportistes de Pre-Tecnificacion ena Val d’Aran compden actuauments damb 21 esquiadors ena categoria d'esquí aupin, 5 esportistes ena d'snowboard, 5 ena de freeride e 3 ena disciplina emergent de freestyle.
Eth CETEI ei restacat ara Reiau Federacion Espanhòla d’Espòrts d’Iuèrn (RFEDI) e ara Federacion Catalana d’Espòrts d’Iuèrn (FCEH), e a coma principau objectiu ajudar ena progression de joenes promeses e velhar pera sua formacion integrau mejançant ua formacion tecnica/esportiua e academica, ath delà d’un seguiment medicau/psicologic entà garantir un estat de salut adaptat entara practica esportiua e ua gessuda professionau de futur.
Eth Vicesindic d’Aran e Conselhèr d’Espòrts deth Conselh, Luís Carlos Medina, a manifestat que “eth supòrt dera Deputacion de Lhèida, amassa damb eth dera rèsta d’institucions, arrespon as esfòrci que hè eth Conselh Generau d’Aran pes programes de Tecnificacion e Pre-Tecnificacion deth CETEI Val d’Aran, e represente un impuls entà que es joeni esportistes poguen alimentar es prumères equipes des diferentes modalitats esportiues e arribar a hèr concurrencia, coma en d’auti viatges, en uns Jòcs Olimpics e Paralimpics d’iuèrn”.
IMATGE: CONSELH GENERAU D'ARAN
Clara Villar