Es usatgèrs d'ADDA artenhen 10 medalhes enes jòcs Special Olympics

21/10/2018

Ueit aranesi d'ADDA participèren damb mès de 1.500 esportistes enes Jòcs Specials Olympics La Seu d’Urgell - Andorra deth 4 ath 7 d'octobre. En aguesta experiéncia tan profitosa, es aranesi artenheren 10 medalhes: 4 d’aur, 3 d’argent e 3 de bronze.

Des der an  2007 ADDA forme part dera Federacion Catalana d’Esports entà Disminuïts Psíquics e toti es usatgèrs estan federadi. Des deth centre aranés, considèren que totes es activitats amiades a tèrme son part dera preparacion fisica entàs Special Olympics.

En aguest sens, er espòrt ei considerat un estrument entà transméter valors, en tot garantir qu'es esportistes gaudissen d'ua competicion digna e equilibrada. E qui milhor entà jutjar qu’es madeishi participaires? Aguestes, son es sues avaloracions sus era experiéncia enes Special Olympics.

Eth sindic d’Aran, era conselhèra de Salut e Benéster e eth conselhèr de Territòri d’Aran, arreceberen as esportistes en Conselh Generau en tot balhar-les era enorabona que se meritauen. E ara, a premanir-se damb illusion e esfòrç entàs pròplèus jòcs der an que ven.


Laura Rodríguez