Era Val d'Aran se premanís tara dubertura de terrasses ath 50% d'aforament

08/05/2020

Ara demora deth vist bon definitiu, era Val d’Aran dejà cauhe motors entà entrar ara prumèra fasa deth procés de desescalada.

En aguest sens, era Val d’Aran ei un des parçans que serà prepausat pera Generalitat de Catalonha entà qu’eth Govèrn der Estat espanhòu autorize era sua entrada ena fasa 1. 

Ei per açò qu’es proprietaris de bèri establiments dejà se trapen en tot acondicionar es terrasses des sòns locaus entà daurir eth pròplèu deluns 11 de mai.

Er Urtau d’Arties daurirà deluns damb 5 o 6 taules ena terrassa e en tot respectar es mesures de seguretat. 

Es vesins deth pòble, hè temps que demoren era sua dubertura.

Per un aute costat, eth Restaurant Eth Triton, d’Arties, a començat aguesti dies a acondicionar eth sòn espaci... Mès aguest establiment non daurirà pròplèuments.

Çò qu’ei segur ei qu’era Val d’Aran a ganes de normalitat, de reactivacion economica e d’ambient pes carrèrs dempús d’aguesta longa iuernacion

Laura Rodríguez