Era escòla de balh e musica Tchaikovsky a celebrat eth son hestivau de finau de cors ena Audiovisuau de Vielha en tot aumplir tota era sala. Es apuprètz 60 partipantes, mainades e hemnes, an barat modalitats tan disparières coma Bollywood, Funky o Balh contemporani jos es leçons de tres professors que s’i an deishat era pèth entà artenher aguesti boni resultats. Uns resultats en forma de dança que meten de manifèst eth bon trebalh amiat a tèrme enes assagi.

Es mainades mès petites an barat jos partitures Disney coma era Bèra e era Bèstia, o eth Rei Leon.

Tot e qu’era sua rialha ac deishaue ben clar, eres non an cap de problèma entà compdar perquè baren.

Des de direccion, se valòre molt positivament era excellenta acuelhueda der espectacle per part deth public. E, dauant der estonant aforament complèt enregistrat, dejà an pres ua decision de cara ar an que ven.

Pendent es dies 14, 15 e 16 de junh se representarà eth musicau “Gésser en Scèna”, pes madeishi alumnes dera escòla Tchaikovsky. Era entrada, que se pòt aquerir ena madeisha escòla musicau o en Ajuntament de Vielha, a un còst de 4 èuros, mès toti es beneficis anaràn destinadi as colònies tà mainatges damb càncer que s’organizen ena Val d’Aran.