Era Confederacion Idrografica der Ebre visite era Val d'Aran

15/09/2019

Era Confederacion Idrografica der Ebre s'a amassat damb eth Conselh Generau e es bailes des municipis aranesi en Vielha.

E ac a hèt damb er objectiu de tractar ahèrs tan importants coma era situacion actuau der esbauçament de Valarties o era prevencion de futures inondacions a causa dera creishuda dera Garona. Ua amassada a on an estat fòrça presents es grèus aiguats patidi en 2013.

Aguesta serie ua planificacion especifica entara Val d'Aran qu'integrarie tot aquerò aprenut dempús des aiguats tà evitar risqui e guanhar en seguretat. Totun, aguest plan ahigerie profitaments der arriu Garona coma es sues oportunitats economiques ath madeish temps que se protegerie eth domeni public idraulic.

Aguesta visita dera Confederacion Idrografica der Ebre servirà tà refortilhar era relacion damb eth Govèrn d'Aran e melhorar era cooperacion entre ambdues institucions.

Era Confederacion Idrografica der Ebre a profitat era sua estada en Aran entà visitar er esbauçament de Valarties atau coma diferenti punts dera conca dera Garona

Laura Rodríguez