Un an mès, s’apròpe era celebracion dera corsa d’esquí nordic mès important deth país, era Marxa Beret, qu’enguan celèbre era sua 41au edicion es dies 1 e 2 d’hereuèr de 2020. 

Dejà son dubèrtes oficiaument es inscripcionsa trauès dera plana webdera Marxa Beret e es interessats poiràn realizar-les enquiath 31 de gèr. Totun, er 1 d’hereuèr se poiràn realizar es inscripcions presenciaus ena oficina tecnica.

Cau rebrembar qu’eth prètz dera inscripcion aumentarà segontes s’apròpe era data de realizacion der eveniment.

Era Marxa Beret, organizada peth Conselh Generau d’Aran e era estacion d’esquí Baqueira Beret, ei ua des pròves d’esquí nordic mès assolidades que se realizen en territòri nacionau e que cada an compde damb mès de 1.000 participants de tota Euròpa.

Aguesta hèsta der esquí de hons començarà en Beret eth dissabte 1 d’hereuèr damb er Esprint Salomon, eth Campionat d’Espanha d’Esprint.

Eth dia 2 d’hereuèr se realizarà era 41au edicion dera Marxa Beret enes distàncies de 42, 21 e 10 kilomètres. Aguesta competicion formarà part dera Copa España de longa distància e será laguens deth calendari FIS.

Es interessadi e interessades pòden trapar tota era informacion enaplana web oficiau dera corsa.

HÒNT: CONSELH GENERAU D'ARAN