Darrèra Hèsta d'Aran de Carlos Barrera coma Sindic

17/06/2019

Un an mès, coma cada 17 de junh, era Val d’Aran a tornat a celebrar era sua hèsta nacionau en tot commemorar er aniversari dera restitucion deth Conselh Generau d’Aran e era recuperacion des drets e privilègis deth territòri.

Ua hèsta d’Aran que barre era legislatura de Convergéncia Democratica Aranesa abantes de dar pas ath nau govèrn d’Unitat d’Aran e qu’a estat tanben ua commemoracion as dues decades de Carlos Barrera coma SindicEra sua experiéncia e assessorament, a explicat, contunharà ath servici des sòns companhs e companhes deth partit, mès en ua dusau linha.

Era conselhèra dera Presidéncia, Meritxell Budó, a volut arregrair en nom dera Generalitat de Catalonha aguesti vint ans de dedicacion.

Enguan, aguesta Hèsta d’Aran se celèbre a sonque un dia der acte de prenuda de possession des Conselhèrs e Conselhères Generaus. Unitat d’Aran, entestada per Paco Boya, agarrarà eth relèu gràcies ara majoria absoluta artenhuda enes passades eleccions deth 26 de mai.

Clara Villar