Era estacion d’esquí de Baqueira-Beret se premanís entà acuélher aguest dissabte ua naua edicion d’Era Baishada, ua pròva qu’Audi organize cada an damb desparières disciplines d’esquí aupin e snowboard. Eth Stadium de Beret serà eth scenari dera 5au edicion d’aguesta corsa plia de diversion, competicion e fòrtes emocions.

En Era Baishada i a un totau de 6 categories: des des mès joeni de 14 e 16 ans, en tot passar pes Séniors e Màsters, enquia arribar ara categoria Legend. En totes es categories, s’includissen òmes e hemnes.

Coma ja ei abituau, eth circuit ei format per ua gessuda en parallel, que mos amiarà enquia un eslàlom gigant parallel que darà pè a un quilomètre lançat e finalizarà damb un gigant tanben en parallel.