50.000 esquiaires en Baqueira/Beret en un Pònt dera Puríssima de rècord

10/12/2019

Baqueira/Beret a arrecebut lèu 50.000 esquiaires pendent un Pònt dera Puríssima de recòrd qu'a deishat imatges de coes quilometriques que passaràn ara istòria.

Damb totes es zònes dubèrtes e celhs qu’en còtes mès nautes se placèren enes 90 centimètres, Baqueira/Beret a pogut aufrir ues excellentes condicions entara practica der esquí e der snowboard.

Era bona climatologia, damb solei e non guaire d’heired, a estat tanben un factor clau entà arténher aguesta excellenta chifra d’esquiaires ena estacion aranesa.

Damb era practica totalitat des pistes daurides e toti es remontadors en foncionament, Baqueira/Beret a començat era sason blanca en plea forma.

Es esquiaires an vengut de toti es cornèrs der Estat Espanhòu, e destaquen tanben es vengudi deth sud de França.
Laura Rodríguez