Tredòs estree eth sòn nau complèxe esportiu

28/10/2020

Tredòs dejà a estreat eth sòn nau complèxe esportiu. Plaçat darrèr dera escòla mairau dera localitat, aguest espaci compde damb uns 200 mètres quarradi, qu’es vesins dera localitat poden emplegar de forma gratuïta. 

Era intencion, totun, ei que en passar era crisi sanitària, aguesta installacion pogue èster daurida ara rèsta d’aranesi, qu’aurien de pagar ua quòta annau simbolica.

Aguesta installacion balhe era oportunitat de realizar diuèrsi espòrts. 

Ath delà, de cara ara pròplèu primauera, se bastirà ua pista esportiua exterior.

Totun, çò qu’a auut milhor acuelhuda ei era part interiora, pr’amor qu’ena sason de heired, era practica der espòrt en Tredòs se hège dificila. 

En cò que tanh ath finançament, aguest projècte a estat amiat a tèrme en tot emplegar eth romanent de tresoreria dera pròpria EMD de Tredòs damb un pressupòst totau de 400.000 èuros. 

Laura Rodríguez