Bossòst apraie es graderies e eth vestiari deth sòn camp de fotbòl

30/09/2019

Er Ajuntament de Bossòst dejà a iniciat es òbres de consolidacion e reestructuracion des graderies e eth vestiari deth sòn camp de fotbòl municipau.

Un equipament que se bastic ara hè uns 25 ans e que presentaue ua estructura cada viatge mès degradada damb eth pas deth temps.

Aguesta inversion, que compde damb ajudes deth plan d'inversions dera Deputacion de Lhèida, puje a uns 78.000 èuros.

Se preve qu'a finaus d'octobre ja se poguen concludir aguestes òbres de remodelament e dignificacion des graderies e deth vestiari deth camp de fotbòl de Bossòst.

Toti es vesins deth municipi poderàn gaudir d’aguestes milhores der equipament, mès dilhèu qui mès ac arregrairà serà era Union Esportiua de Bossòst.

Atau, era equipa de fotbòl deth pòble, que jògue ena liga francesa per motius de practicitat, aurà a compdar deth pròplèu mes ua installacion mès digna e practicabla. 

Laura Rodríguez