Baqueira hè un balanç satisfasent deth sòn Nadau mès atipic

11/01/2021

Maugrat qu’a estat un Nadau atipic, era estacion d’Esquí Baqueira/Beret a barrat ua campanha satisfactòria ena que s’a pogut gaudir de mès de 100 quilomètres de pistes des airaus de Baqueira, Bonaigua e Beret.

Suberges tanben es excellentes condicions dera nhèu que s’an dat en ua campanha de Nadau ena que non a deishat de nheuar.

De hèt, era estacion auec de penjar eth pannèu d’aforament complèt 3 dies. En aguest sens, segontes expliquen des de Baqueira, eth barrament deth Ripolhès e dera Cerdanha pendent aguestes hèstes de NAdau aurie afavorit era afluéncia d’esquiaires en Aran.

En parallel, es restriccions e recomanacions de mobilitat en Estat espanhòu an hèt a cambiar eth perfil der esquiaire mès nombrós en Baqueira. Enguan, mès de proximitat.

Arrebrembam que maugrat eth confinament municipau decretat pera Generalitat Catalana, Baqueira contunhe dubèrta. Totun, a compdar d’aué, se barren es sector de Bonaigua e Beret, en tot mantier en foncionament sonque er airau de Baqueira.

Laura Rodríguez