Reemplaçat eth colhar GPS de Goiat

18/10/2018

Goiat, er exemplar mès polemic deth programa de reintroduccion PyrosLIFE, dejà compde damb un nau colhar GPS entà poder èster localizat. Agents Ruraus e tecnics deth Conselh Generau d’Aran procediren eth 16 d’octubre ara substitucion d’aguest esturment imprescindible entà poder seguir eth rastre d’aguest mascle en sòn pas pes Pirenèus.

Dejà s’auie hèt un prumèr assag de captura entà realizar aguest cambi eth passat dia 12 d’octubre: se procedic ara localizacion e subministrament d’eth dard anestesiant ar os mès, per motius de seguretat des professionaus e der animau se desestimèc contunhar damb era operacion.

Dempús d’aguest prumèr intent arribèc eth definitiu quan, dempús de localizar a Goiat e verificar qu’era zòna a on se trapaue ère mès accessible, se procedic a anestersiar-lo e a reemplaçar eth GPS ath madeish temps que se verificaue eth sòn estat e se li prenien mòstres.

Es Agents verifiqueren que pendent era net deth 16, Goiat dejà realizèc un desplaçament de pògui metres, mès non siguèc enquiath maitin següent que poderen comprobar era sua recuperacion totau dera anestesia, quan verifiqueren que dejà auie abandonat era zòna.

Clara Villar