Paco Boya ei escuelhut Sindic ena constitucion deth nau Conselh Generau d'Aran

19/06/2019

Paco Boya a estat investit Sindic d'Aran ena constitucion deth nau plen deth Conselh Generau d'Aran. Un acte celebrat ena casa deth Senhor d'Arròs.

Boya, qu'auie estat Sindic entre eth 2007 e eth 2011, pren eth rellèu ar istoric Carlos Barrera, qu'auie estat ath deuant dera institucion pendent 20 ans. Boya destaquèc eth besonh de bastir un clima de dialòg tà afavorir era convivéncia en actuau contèxt politic. Tanben precisèc bères ues des prioritats que se mercarà eth sòn govèrn.

Eth Govèrn d'Aran compde ara damb 9 conselhèrs d'Unitat d'Aran e 4 de Convergéncia Democratica Aranesa. Ua majoria fòrça ampla que permeterà trabalhar comòdaments ath grop d'Unitat d'Aran.

Èra carretèra N-230 serà, ath delà, un des objectius principaus des negociacions entre eth Conselh Generau d'Aran e eth Govèrn der Estat espanhòu.

D’auta banda, en aguesta constitucion deth Conselh Generau d'Aran prenec eth cargue Oriol Sala, que damb 23 ans se convertís en eth conselhèr mès joen deth plen. Un cargue qu'ath delà tanben coordinarà damb eth de baile de Vilamòs.

Ara constitucion deth Conselh Generau i an assistit diuèrses autoritats politiques.

Ua jornada que mèrque un abantes e un dempús ena istòria deth Conselh Generau d'Aran, qu'ara òc, daurís un nau capitol ena sua istòria.
Laura Rodríguez