Mès d’ua cinquantia de jubilats d’Endesa s’an concentrat enes pòrtes dera sedença dera companhia electrica en Vielha entà denonciar era retalhada des beneficis sociaus qu’Endesa les vò aplicar.

Aguestes concentracions dejà s’an amiat a tèrme en diuèrsi punts deth Pirenèu e Prepirenèu, coma ena Pòbla de Segur e en Pònt se Suert.

Es manifestants, que tanben vengueren des deth Palhars e des dera Ribagorça, reivindiquen uns drets sociaus que dejà s’establiren en 1928.

Eth jutjament pera demanda interpausada pes sindicats contra Endesa, pera intencion d'eliminar aguestes bonificacions ena tarifa electrica, dejà s’a celebrat. Ara tòque demorar era senténcia.

Es perjudicadi son trabalhadors, extrabalhadors, veudes, e orfes. Ath delà, ena Val d’Aran i aurien afectades mès de 120 familhes.