Anar ath gimnàs o ath bar en madeish pòble son ues activitats que dejà pòden realizar es vesins de Gessa. 

Damb un pressupòst d’ath torn des 90.000 èuros, er Ajuntament de Naut Aran a inaugurat aguestes installacions ena sala sociau dera localitat, dividides en sala tà activitats dirigides, gimnàs damb mashines esportiues e un bar. 

Un bar qu’aufrirà servici damb prètzi populars e que torne a Gessa dempús de 20 ans sense auer-ne cap.  

Ath delà, es condicions iniciaus d’estrea d’aguest gimnàs pendent es dus pròplèu mesi son fòrça atractiues entàs abitants deth municipi

Peth moment e entà pr’amor de respectar es mesures de prevencion dauant era Covid,  er aforament ei restringit en 6 persones en cada un des 3 espacis, e demorarà dubert de dimars a dissabte en orari des 14:00 as 21:00 ores.

Fin finau, se trabalhe en un sistèma de resèrves online mejançant ua aplicacion que se demore estrear pròplèuments.