Era 10au edicion deth 30 ores de fotbòl sala dejà s’a dat per finalizada. Eth torneig, que comencèc eth passat dissabte 17 de junh tàs 11 deth maitin, a arribat ara fin damb eth Prospesport coma campion en ua ajustada finau còntra eth Joga Bonito, un partit en quau s’a calgut hèr ua pròrroga de 5 menutes entà conéisher era equipa guanhadora. Fin finau, a estat eth Prospesport qui s’a acabat portant era victòria per 5 gòls a 7. 

Enguan eth 30 ores a artenhut arribar as 20 equipes inscrites, eth maxim que, per format, pòden arribar a jogar. Ara, era organizacion se trape en moment de plantejar-se naui canvis entàs pròplèus edicions tà poder dar cabuda a un major nombre d’equipes.

Des 20 equipes inscrites, 8 d’eres an estat equipes locaus, que dejà portauen setmanes jogant en ua auta liga de fotbòl sala entà arribar ath 30 ores damb un nivèu un shinhau mès naut.

Ua 10au edicion ena que se demòstre que, gràcies ara organizacion e as persones que i a darrèr, eth 30 ores va cada an un pas mès enlà, creishent e hènt-se un lòc entre es milhors tornegi de fotbòl sala en format maraton de tota Catalonha.