Era proïbicion des camions a compdar de Saint-Béat contunharà en mes de març

23/02/2018

Encara non s'a acabat de finalizar era òbra entà apariar er esbauçament deth passat mes de deseme

Aguesta imatge qu’ère abituau dera circulacion abondiua des camions pes carretères dera Val d’Aran semble èster qu’encara trigarà un shinhau mès de lo qu’ère previst en tornar-se a veir. Era proïbicion dera circulacion deth transpòrt pesat a compdar dera problacion francesa de Saint-Béat qu’auie d’auer-se acabat eth passat 14 de hereuèr, s’alongarà com a mínim enquiath mes de març, segontes a comunicat eth Conselh Generau d’Aran.Ua representacion deth Govèrn d’Aran siguec amassada damb era Sous-Préfète de Saint-Gaudens, entà tractar aguest ahèr, e des dera dministracion francesa an assegurat qu’aguesta proïbicion encara se mantierà, pr’amor que non ei apariada era carretèra esbauçada per a on circulen normauments es camions.

Aguest tunèl esvitarà era circulacion, sustot, des camions per laguens de Saint-Beat. Per ara, se facilitarà era circulacion per laguens deth pòble, e en 2024, era conexion s’aurà de hèr per dehòra d’Arlos, a on se bastís un nau pònt. Ua mesura, qu’ajudarà a qu’es vehicles e es camions puguen transitar peth sud de França sense problèmes de transit.

Manu Moga