Era Plaça der Haro e casc antic de Les, Ben Culturau d'Interès Nacionau

15/04/2019

Eth passat dimars, 9 d’abriu, eth Govèrn dera Generalitat acordèc declarar Ben Culturau d'Interès Nacionau, ena categoria de Lòc Istoric, era Plaça deth Haro e eth casc antic deth pòble de Les.

Aguest reconeishement, amassa damb eth que dejà compdaue eth Castèth de Pijauert, signifique tà Les auer un conjunt de fòrça interès toristic.

Entar Ajuntament, es hèstes deth huec e tot eth patrimòni que les acompanhe, amassa damb era aufèrta istorica e culturau deth municipi s’an de convertir en èish centrau der atractiu de Les. Ath delà, era pròplèu dubertura deth Musèu der Haro somarà tanben ua auta experiéncia que se les poirà aufrir as visitants deth pòble.

Mès enlà der interès toristic qu’a er Haro entàs toristes, entàs vesins e vesies ei un element fòrça important, que desvelhe fòrts sentiments e que amasse a tot eth pòble.

Aguest reconeishement ei tot un aunor entà un pòble que sauve tanta connexion damb es hèstes deth huec e que possedís un auviatge tan ric.

Clara Villar