Pendent aguesta setmana, s’an iniciat es òbres dera 2au fasa de canalizacion de Gas Naturau en pòble de Bossòst. Concretaments, aguestes se desvolòpen en Passèig deth Grauèr, en direccion ara ermita d’Era Pietat, a on es trebalhadors dera empresa Barba dejà an començat a hèr es excavacions pertinentes. Aguestes òbres finalizaràn abantes de Pasca, e dempús d’aguestes hèstes es òbres contunharàn en carrèr de San Antòni, en carrèr de Casteràs e fin finau en carrèr de Sant Joan Crisòstom. Per tant, ena primauera serà prèst aguesta 2au fasa.

Per tant, a compdar dera primauera, aqueri vesins que volguen se junheràn ad aguesta prepausa energetica. Dejà i a fòrça vesins qu’an sollicitat era sua adesion a Gas Naturau, e damb aguestes òbres, encara n’i aurà un pialèr mès.

Per tant, era màger part dera poblacion aurà ara sua disposicion era possibilitat d’auer aguesta energia entath sòn consum, en ua inversion qu’a supausat ara empresa Gas Naturau, ua despena de mès de 500.000€.