Vielha serà enguan sedença des PAU per prumèr viatge ena istòria

23/06/2020

Er Institut d’Aran se convertirà per prumèr viatge ena istòria en sedença des Pròves d’Accés ara Universitat

Ua decision que, segontes era Universitat de Lhèida, s’a prenut damb er ànim de redusir es desplaçaments ena mesura de çò que sigue possible, e evitar atau ua excessiva concentracion d'alumnat, coma prevencion dauant era pandèmia deth Coronavirus.

A part de Vielha, Tremp e Tàrrega tanben s’ahigen enguan a Lhèida e era Seu d’Urgelh com sedences dera selectivitat d’enguan, qu’arrebrembam, se celebrarà es pròplèus 7,8,9 e 10 de junhsèga

En çò que tanh ath nòste parçan, non sonque realizarien es PAU en Vielha es 45 alumnes inscriti der Institut d’Aran, senon tanben 15 alumnes de Pònt de Suert

Uns alumnes que pendent es dies des pròves, amassa damb eth professorat, estaràn sometudi a un estricte protocòl igienic e de seguretat deth quau dejà a informat eth Plan de Proteccion Civiu de Catalonha.

Totun, er objectiu que se mèrque autant era alumnat aranés, com er Institut d’Aran e eth Govèrn deth país ei qu’aguestes pròves des PAU se realizen en Aran de forma permanenta. Calerà demorar entà qu’es autoritats superiors prenguen era decision definitiua. 



Laura Rodríguez