Coma cada an, eth pòble d’Unha a celebrat era sua hèsta de Santa Eulàlia, nòm que compartís damb era sua glèisa.

Segontes compde era legenda, Eulàlia s’enfrontèc ath governador Dacià damb era arrason, era paraula e perseverant en tot moment era sua fe crestiana, lo que le costèc patir tretze martirs. Ua istòria  damb un messatge que parle de qu’a viatges era feblesa se pòt imposar ara fortalesa.

Ua hèsta que se viu damb passion entre es vesins.

Tot e qu’era hèsta de Santa Eulàlia d’enguan a queigut en un deluns, i a vesins que non s’ac an volut pèrder de cap forma.

Dempús dera missa en aunor a Santa Eulàlia, s’a aufrit un aperitiu tàs assistents en locau sociau d’Unha. Era glèisa de Santa Eulàlia d’Unha ei coneishuda pes pintures d’arric valor artistic.

Tanplan, ena sala a on es vesins s’an amassat entà gaudir der aperitiu, se i trapaue ua exposicion fotografica damb imatges antigues que mostrauen es tradicions d’Unha.
Ath delà, Unha dejà ei premanida entara naua sason d’iuèrn qu’a començat, e tanben entàs hèstes de Nadau.
Era hèsta de Santa Eulàlia d’Unha a tornat a demostrar era sua grana capacitat entà amassar as vesins d’Unha, que tan orgulhosi se senten dera sua localitat.