Talhèr d’orientacion laborau as alumnes de bachilherat

13/04/2019

Eth passat dimèrcles, dia 10 d’abriu, era referent d’aucupacion juvenila, Sonia Faure, realizèc un talhèr entàs alumnes de dusau de bachilherat der Institut d’Aran damb er objectiu d’ajudar-les a afrontar eth mon laborau.

S’amièren a tèrme diuèrses activitats enfocades ara importància d’auer un bon autoconeishement sus es pròpies capacitats, aptituds e dificultats, que pòden veder-se rebatudes tant en dia a dia coma en lòc de trabalh.

Es estudiants poderen veir era diferéncia entre ua entrevista laborau tradicionau e ua entrevista a on se valoren disparières competéncies personaus com eth trabalh en equip, era capacitat de resòlver conflictes, era motivacion…

Es alumnes aueren mès dificultats ara ora de definir-se a eri madeishi, ja que segontes diden “non son acostumadi”, donques ei un exercici que demane introspeccion e consciéncia d’aqueri aspèctes naturaus e innats que consideram formen part dera nòsta personalitat.

Pendent es pròplèus setmanes ei previst hèr diuèrses dinamiques entàs alumnes de 4t d’ESO e es de cicle administratiu der Institut.

HÒNT: CONSELH GENERAU D'ARAN
Clara Villar