Suspenuda era Hèsta deth Taro d'Arties

19/06/2020

Arties plore era suspension dera sua Hèsta mès populara, era Hèsta deth Taro, que se celèbre cada net deth 23 de junh

Un acte que dejà en 2015 siguec declarat Patrimòni Immateriau dera Umanitat pera UNESCO, amassa damb es Hèstes deth Huec de Les. 

Era EMD dera localitat s’a vist obligada a anullar aguesta Hèsta deth Taro en no poder-se garantir es mesures de seguretat e prevencion vigentes dauant era malautia deth Coronavirus

Eth darrèr viatge que s’auec de suspéner eth Taro siguec en 2013 a causa des grèus damatges produsidi pes aiguats. 

Çò que se mantierà en foncionament seràn es misses. Ath delà, se balharà a cada vesin un ticket entà que poguen anar a préner eth vermut en quinsevolh bar o restaurant d’Arties

Ath delà era associacion “Amics deth Taro d’Arties” s’a volut ahíger ad aguesta tempèsta d’idèes entà hestejar de bèra manèra aguesta polida tradicion.

Fin finau, Arties demore ara era decision que tanben aurà de préner er Ajuntament en çò que tanh ara Hèsta Major de Sant Jaime de junhsèga. 

Laura Rodríguez