Eth Conselh Generau d’Aran amassèc era presentacion deth libre que recuelh es estudis que s’èren er an passat en Salardú sus es 400 ans de celebracion des Ordinacions de Juan Francisco de Gracia, e que conten era pragmatica e edictes reiaus dera Val d’Aran deth sègle XVII. Un libre damb un totau de 20 comunicacions sus diuèrsi estudis a on se parle, entre d’auti: d’alimentacion, arqueologia, arquitectura, economia, istòria, poesia o sanitat.

Es Ordinacions contiegen era naua forma de insaculacion e extraccion des mestièrs dera Val d’Aran, es Drets dera Regia Curia aranesa enes ahèrs civius e criminaus e era Pragmatica. Un des ahèrs mès destacables ei eth trebalh de Howard Bradley sus es relotges des sègles XVII enquiath XIX.

En definitiua, ei un amàs istoric que mos permet conéisher mès prigondaments era Val d’Aran ath long dera sua istòria, damb estudis que cèrquen apropar desparières aspèctes dera vida vidanta des aranesi, e qu’a un valor incalculable.