Presentacion des Maletes Pedagogiques des halhes deth Pirenèu

15/02/2019

Era Càtedra Educacion e Patrimoni Immateriau des Pirenèus dera Universitat de Lhèida a presentat es Maletes Pedagogiques des halhes deth Pirenèu ena sedença deth Conselh Generau d’Aran. Aguestes maletes consistissen en materiaus e activitats pedagogiques sus era tradicion halhaira enes Pirinèus, adreçadi a alumnes de primària e prumèr cicle de segondària.

Es activitats que se prepausen son fòrça disparières e tracten ahèrs restacadi damb era tradicion des halhes, coma ei eth miei ambient, era lengua o era cultura de cada territòri halhaire.

Era Val d’Aran ei un des parçans en qu’era tradicion halhaira se i trape ben viua: er haro de Les e eth Taro d’Arties ne son boni exemples. Entà non pèrder era sua magia, era idèa de trasladar es coneishements des halhes as escolans, se considère plan beneficosa.   

Ath delà, Càtedra Educacion e Patrimoni Immateriau des Pirenèus dera Universitat de Lhèida seguirà damb era investigacion des halhes en territòri dera Val d’Aran, en tot arregrair tota collaboracion qu’ajude a auançar en sòn estudi.

Laura Rodríguez