Presentacion dera dusaua edicion deth Job Dating, qu'aurà lòc eth 5 de noveme en Vielha

22/10/2019

Eth Job Dating arribarà per dusau an consecutiu ara Val d'Aran eth pròplèu 5 de noveme, coma s'a informat pendent era sua presentacion oficiau en Ajuntament de Vielha e Mijaran. Er objectiu d’aguest eveniment ei fomentar er escambi entre enterpreses e trabalhadors pr'amor que se poguen assolidar contractacions laboraus, sustot de cara ara sason d'iuèrn.

Est an passat eth Job Dating arrecebec era visita de mès de 500 persones, per açò enguan s'a agranit era aufèrta de lòcs de trabalh. Ath delà, aguestes aufèrtes ja non sonque seràn deth sector dera ostalaria, senon que tanben i aurà deth sector deth comerç e d’auti airaus restacadi damb es servicis.

Peth moment s'an confirmat 30 enterpreses qu'aufriràn mès de 200 contractes laboraus, e dejà s’an arrecebut lèu 200 curriculums.

Es donades parlen per eres madeishes, sonque en sector dera ostalaria, era Val d’Aran balhe trabalh a lèu 500 persones cada sason. Eth problèma, segontes eth grèmi d’Ostalaria, ei er accés ara viuenda des trabalhadors que vien ara Val.

Eth Job Dating aurà lòc eth dimars 5 de noveme, des des 10 deth maitin enquiara 1 dera tarde en Palai d'Espòrts de Vielha. Ei imprescindible que toti es candidats pòrten eth sòn curriculum, pr'amor qu'es enterpreses profitaràn era jornada entà hèr es entrevistes.
Laura Rodríguez