Cultura
Periodistes de dues granes revistes italianes viatgen ara Val d'Aran entà elaborar reportatges sus eth torisme culturau e eth gastronomic
23/10/2018
Dus periodistes de dues revistes italianes, que son Dove, especializada en torisme e viatges, e Cucina Italiana, era publicacion mès anciana d’Itàlia sus tematica gastronomica, visiten aguesti dies diferenti endrets des comarques deth Pirenèu e es Tèrres de Lhèida entà preparar diferenti reportatges centradi en auferiment culturau e gastronomic dera demarcacion lheidatana. Eth viatge ei organizat peth Centre de Promocion Toristica de Catalonha en Itàlia en collaboracion damb eth Patronat de Torisme dera Deputacion de Lhèida e es burèus de torisme des lòcs que visiten.
Era revista Cucina Italiana se publique mensualment dempús deth 1929 e enes sues edicions a començat a includir rotes gastronomiques internacionaus entre es sòns contenguts. Es lectors mensuaus dera revista son apuprètz uns 250.000. Pera sua banda, era revista Dove ei considerada coma ua des mès influents deth sector toristic en Itàlia, damb ua tirada de 141.000 exemplars cada mes.
En vessant gastronomic, es periodistes gaudiràn des hormatges, es embotits e era cervesa mestierau dera Val d’Aran, entre d’autes productes, e auràn era oportunitat de degustar era codina e es productes tipics des zònes que visiten. Eth programa deth viatge tanben preve ua excursion damb 4x4 ath Parc Nacionau d’Aigüestòrtes e ar Estanh de Sant Maurici des dera Val de Boí.
Es localitats araneses que visitaràn es dus periodistes son Vielha, Arties, Salardú, Unha e Bagergue.
HÒNT: DEPUTACION DE LHÈIDA
Era revista Cucina Italiana se publique mensualment dempús deth 1929 e enes sues edicions a començat a includir rotes gastronomiques internacionaus entre es sòns contenguts. Es lectors mensuaus dera revista son apuprètz uns 250.000. Pera sua banda, era revista Dove ei considerada coma ua des mès influents deth sector toristic en Itàlia, damb ua tirada de 141.000 exemplars cada mes.
En vessant gastronomic, es periodistes gaudiràn des hormatges, es embotits e era cervesa mestierau dera Val d’Aran, entre d’autes productes, e auràn era oportunitat de degustar era codina e es productes tipics des zònes que visiten. Eth programa deth viatge tanben preve ua excursion damb 4x4 ath Parc Nacionau d’Aigüestòrtes e ar Estanh de Sant Maurici des dera Val de Boí.
Es localitats araneses que visitaràn es dus periodistes son Vielha, Arties, Salardú, Unha e Bagergue.
HÒNT: DEPUTACION DE LHÈIDA
Laura Rodríguez