Musèus Val d'Aran cerque volontaris entath Dia Internacionau dera Poesia

08/02/2019

Musèus dera Val d’Aran se trape dejà premanint era 5au edicion deth Dia Internacionau dera Poesia, qu'aurà lòc eth pròplèu 21 de març tàs 22:00 ores e cerque volontaris entà participar-i.

Era net poetica tostemp ei ath torn d'un tèma centrau e consistís en un recitau de poesies acompanhades de pèces musicaus.

Damb eth lèma “Mos sobren poemes e mos manquen veus” es organizadors e organizadores cerquen volontaris entà participar en recitau de poesia mès sonat dera Val d’Aran. Es persones interessades pòden contactar en tot picar ath 973 64 18 15 o en [email protected].

Entara organizacion d'aguesta net, Musèus dera Val d’Aran compde damb era collaboracion der Archiu Generau d’Aran, er Airau de Politica Lingüistica deth Conselh Generau d’Aran, es bibliotèques municipaus de Vielha e Naut Aran e es escòles de musica dera Val d'Aran.
Clara Villar