Eth Musèu Etnologic dera Val d'Aran tornèc a acuélher eth Dia Mondiau dera Poesia damb un multitudinari recitau, enguan damb eth títol "Memòries en tinta". Ua tematica que pendent tot er an 2019 servirà coma hiu conductor des disparièrs activitats e actes que se desvoloparàn enes Musèus dera Val d'Aran damb er objectiu de méter en valor era memòria en totes es sues variantes.

Era recepcion deth Musèu de Vielha tornèc a estar er scenari qu'acuelhec a toti es volontaris e volontàries que participèren ena serada.

Ua serada que, coma tostemp, combinèc era pròsa damb pèces musicaus interpretades pès membres dera Escòla Musicau Val d’Aran, e que compdèc damb era participacion especiau der actor Lluís Soler que recitèc dus poèmes de Mn. Jacint Verdaguer.

En aguest eveniment tan especiau, se volèc commemorar er aniversari deth centenat dera mòrt de Mossèn Condò e Sambeat recitant es sòns vèrsi.

En tot combinar disparièrs idiòmes, se liegeren poèmes de Mario Benedetti, Francisco de Quevedo e Luís de Góngora, Mercè Rodoreda, Federico García Lorca, Rosemonde Gérard e Walt Whitman, entre d'auti.