Lèu 600 espectadors enes representacions dera darrèra òbra de teatre deth grop "Era Cabana"

02/05/2018

1, 2, 3, lheuant era cortina. En ua sala plea a vessar se comence a sénter ua musica qu’a era finalitat de cauhar es motors ath temps qu’es prumèri actors gessen ar scenari. Se tracte deth grop "Era Cabana", de Les, qu’aué barre es actuacions dera sua naua òbra teatrau, titolada “Glòria, era recepcionista, ei un encant”.

En aguesta darrèra òbra, s’an creat tota sòrta de situacions ambientades en ua abitacion d’un otèl e enes quaus er umor no a estat precisament absent. Istòries diferentes damb hius conductors qu’an sedusit as espectadors enquiath finau, un finau que les a deishat ben estonadi.

Ua equipa que ja pense en trebalhar damb illusion e esfòrç ena pròplèu òbra, que, se ètz incondicionaus d’aguest extraordinari grop de teatre aranés, ja podetz préner nòta, ei prevista entath pònt dera puríssima de deseme d’enguan.  

Laura Rodríguez