Les celèbre era cincau OstalHèira

19/04/2018

A son de guitarra e castanyòles a arrancat era cincau edicion dera OstalHèira, un eveniment organizat peth Grèmi d’ostalaria de Les que vò apropar era tradicionau hèira d’abriu andalosa ara Val d’Aran, ath temps qu’es joeni estudiants deth centre practiquen es sòns coneishements en sector.

Era majoria des assistents non s’ac an pensat dus viatges e s’an vestit damb es indumentaries tipiques des hèstes andaloses. Ath delà, era OstalHèira a començat damb un gustós aperitiu, qu'a dat pas ath minjar principau. Rebujito, camalhon, tortilha, salmorejo o gazpacho sigueren quauqui des plats que se pogueren degustar.

En efècte, aué ei un des dies en que s’a pogut díder, o milhor dit, cantar, que Les a un color especiau, que Les a un color diferent.

Laura Rodríguez