Pendent era tarde deth dia de Reis, eth 6 de gèr, se declarèc un incendi de vegetacion enes montanhes d’Arties.

Tot e qu’aué er incendi seguís actiu, se trape estable e non i a risc a qu’eth huec s’apròpe ath nuclèu urban.

Sies dotacions des Pompièrs d'Aran e un elicoptèr se i trapen trabalhant aguest deluns entà amortar eth huec çò de mès lèu possible.

Segontes explique eth còs de pompièrs, se trabalhe amassa damb es Grops d’Actuacion Forestau entà confinar eth huec en hons deth barranc de Salidèr, a on se deisharà cremar de forma contarotlada.

Cau arrebrembar qu’aguesti huecs en zònes de pastura de nauta montanha son abituaus e se profiten entà hèr ua bona gestion deth territòri, ja qu'eliminen era continuitat dera vegetacion.