Aran Park, eth centre de fauna sauvatja dera Val d’Aran, s’a vist obligat a ajornar era sua dubertura, qu’estaue prevista entad aguesta passada dimenjada, a causa dera grèu crisi sanitària globau que patim damb eth coronavirus.

Aran Park daurís cada an es sues pòrtes just abantes de Setmana Santa, en tot èster en foncionament enquia principis de noveme. Enguan, totun, serà diferent e se perderà era Setmana Santa.

Aran Park, plaçat en Pòrt deth Portilhon de Bossòst,  compde ara madeish damb un centenat d’animaus autoctòns deth Pirenèu. Damb eth permís especiau de besonh, bèri des trabalhadors d’Aran Park se desplacen cada dia entà alimentar e suenhar as animaus deth centre.

De moment cau conformar-se damb campar ad aguesti peluts a trauèrs d’aguestes imatges. 

Era dubertura d’Aran Park se produsirà quan es autoritats sanitàries e governamentaus ac permeten.